Aktuelles Stück

„ankomme dienstag – stop – fall nicht in ohnmacht“

E Kumeedi vom Jean Stuart

Regie: Tom Müller

Bühnenbild: Robi Pipoz

Iber s Stigg

E Maa hett s Rächt dr Brytigam vo synere Witwe kenne z leere! Und z verjage! Dr Michel isch fir Dood ergläärd woorde und daucht no Joore, kurz vor dr Hochzyt vo dr Jaqueline mit em Pierre widder uff. Graad zer rächte Zyt, findet är. Dr Pierre gseet das anherrscht. D Jaqueline hett jetz d Waal zwischen em Macho Michel und em Softie Pierre. Wäär kann ere do Hälfte? Ebbe d Susanne? – Die isch laider maischtens zimlig verwirrt. Oder emänd d Lucie? – Die isch schwäär verliebt in Michel. Oder doch dr Pascal, dr Zwillingsbrueder vom Michel? – Aber dä isch jo glyych wie sy Brueder – numme no schlimmer!

Wie das uusekunnt… gseen Sy ab em 09. Wintermooned in dr Baseldytsche Bihni! Live und in 3D – Syt 125 Joor!

Persoone:

 

Jaqueline Richner

e schwäär prieffti Frau

Michel Richner

iire Maa

Pierre Dumorin

iire Verlobbde

Susanne Loosli

e Dienschtmaitli fir difisyyli Situazioone

Luci Werdenberg

e häärzig Glammeräffli

Pascal Rychner

im Michel sy Zwillingsbrueder