Am 10. Wintermooned (Novämber) hämmer d Première vom neye Stigg „Aggt mit Blueme“ gnosse. S het vyl Lachsalven und Applaus gää, dr eerscht scho, wo am Aafang dr Vorhang uffgangen isch und men e toll Biinibild (nadyyrlig vom Hans „Dätt“ Marti) z gsee bikoo het. S Stigg handlet jo in dr Zyt vor eppe 50 Joor, und die Wält vo sälbetsmool wird im Stigg in vyyle Details widergää – eben au im Biinibild, bis zer Photi vom General an dr Wand. Dr änglisch Erfolgs-Autor Norman Robbins het die Komöödie verfasst, unser routiniert Trio Willy Dunkel, Eugen Heinzer und Roland Niederer hänn s in en yywandfrey Baseldytsch ibersetzt, und die als no neyi Regisseurin Salomé Im Hof het mit ere rassigen Inszenierig zeigt, ass d BdB mit iirer Waal e Goldfisch an s Land zppge het.

Carl Miville-Seiler